Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas tre javësh grevë, sot ka filluar gjysmë vjetori i dytë në tërë shkollat e Kosovës. Mirëpo pavarësisht se vendimi për ndërprerjen e grevës u mor të premten pas takimit që kryetari i Sindikatës së Bashkuar të Arsimit, Shkencës dhe Kulturës të Kosovës, Rrahman Jasharaj pati me kryekuvendarin Kadri Veseli dhe kryeministrin Ramush Haradinaj, kjo Sindikatë nuk e di nëse do të kompensohen orët e humbura apo jo. Nënkryetarja e SBASHK-ut, Vjollca Shala, ka thënë se janë mësimdhënësit ata që do të vendosin se si do t’ia bëjnë. “Meqenëse sot është dita e parë e fillimit të periodës së dytë në ndërkohë të mblidhen mësimdhënësit se si do të veprohet më tutje. Akoma nuk është marrë një vendim i tillë se çfarë do të ndodhë me orët e humbura”, ka deklaruar Shala. Ajo u shpreh e bindur se mësimdhënësit nuk do t’i mbesin borxh nxënësve. “Jam shumë e bindur që mësimdhënësit do t’i kompensojnë njësitë mësimore të humbura. Nuk do t’ju mbesin borxh nxënësve assesi”, deklaroi Shala.
