KEK
Fillimi / Lajmet / Seancën për votimin e Qeverisë së re, nuk mund të pengojë dorëheqja e mundshme e kryetares së Kuvendit, V. Osmani
V. Osmani

Seancën për votimin e Qeverisë së re, nuk mund të pengojë dorëheqja e mundshme e kryetares së Kuvendit, V. Osmani

Seancën për votimin e qeverisë së re, nuk mund të pengojë dorëheqja e mundshme e kryetares së Kuvendit, Vjosa Osmani. Në rastin e tillë, seanca do të udhëhiqej nga njëri prej nënkryetarëve, pasi në seanca të jashtëzakonshme nuk mund të hyjë në rend dite emërimi i kryetarit të ri nga partia e parë, Lëvizja Vetëvendosje. Kështu ka thënë për “Kosovapress” njohësi i punës së Kuvendit, Albert Krasniqi. Ai është shprehur se çfarëdo pengesa që do të bënte kryeparlamentarja Osmani do të ishin veprime antikushtetuese. “Zonja Osmani si kryetare e Kuvendit ka për obligim që të mundësojë realizimin e seancës në të cilën do të bëhet zgjedhja e qeverisë. Për shkak se është detyrim i saj kushtetues…nëse ajo do të zgjedh të jap dorëheqje prej postit të kryetares së kuvendit është çështje e saj. Rregullorja e punës së Kuvendit parasheh se në rast të mungesës së kryetarit të Kuvendit një prej nënkryetarëve do të zëvendësojë atë deri në zgjedhje të kryetarit të ri. Ai ka saktësuar se mbajtja e seancës për votimin e qeverisë Hoti, mund të mbahet atëherë kur del publikimi i plotë i aktgjykimit të Kushtetueses dhe publikohet në gazetën zyrtare.

 

Kontrolloni gjithashtu

Ministri i FSK-së, Anton Quni niset për vizitë zyrtare, në Turqi

Ministri i FSK-së, Anton Quni niset për vizitë zyrtare, në Turqi

Ministri i Mbrojtjes së Kosovës, Anton Quni, me ftesë zyrtare të homologut të tij turk, ...