Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AKR-së, Behgjet Pacolli, ka komentuar mbledhjen e djeshme të Këshillit të Sigurimit të OKB-së në New York, ku u diskutua për raportin e rregullt të shefit të UNMIK-ut, Zahir Tanin, për situatën në Kosovë. Pacolli ka thënë se Sekretari i Përgjithshëm i OKB-së, Antonio Guterres, ka refuzuar të takohet me zyrtarët e Kosovës, duke thënë kështu se ka thyer traditën e paraardhësve të tij. Ish-ministri i Jashtëm i Kosovës ka kërkuar që UNMIK-u të përfundojë mandatin dhe “shkojë në shtëpi”. “Në OKB, sekretari Antonio Guterres refuzon të takohet me zyrtarët e Kosovës duke thyer kështu traditën e paraardhësve të tij. UNMIK-u ka një mision të vjetër në Kosovë që nuk bën asgjë dhe shpenzon buxhetin e tyre në çështje të panevojshme që janë të parëndësishme për Kosovën. Koha për të shkuar në shtëpi”, ka shkruar Pacolli.
