Fillimi / Lajmet / Sekretarit të përgjithshëm i NATO-s, Stoltenberg, i vjen keq për vendimin e Rusisë që të ndalojë punën e zyrës në Moskë
Jens Stoltenberg

Sekretarit të përgjithshëm i NATO-s, Stoltenberg, i vjen keq për vendimin e Rusisë që të ndalojë punën e zyrës në Moskë

Sekretari i përgjithshëm i NATO-s, Jens Stoltenberg, ka deklaruar se i vjen keq për vendimin e Rusisë që të ndalojë punën e zyrës së aleancës në Moskë. Duke folur në një konferencë për media në Bruksel, Stoltenberg tha se kjo masë nuk shërben për të promovuar dialogun ose mirëkuptimin reciprok. Sidoqoftë, NATO do të mbetet e hapur për dialog, drejtpërdrejt ose përmes Këshillit NATO-Rusi, tha Stoltenberg. Komentet vijnë pasi Moska tha se do të pezullojë punën e misionit të saj në selinë e NATO-s në Bruksel, nisur nga fillimi i nëntorit. Përveç kësaj, edhe misioni ushtarak i NATO-s në Moskë nuk do të lejohet të vazhdojë punën e tij. Ky reagim i Moskës erdhi pasi NATO-ja tha se u ka tërhequr akreditimin tetë diplomatëve rusë në Bruksel, nën pretendimet se ata kanë qenë “oficerë të padeklaruar të inteligjencës”.

Kontrolloni gjithashtu

Krasniqi: 28 Nëntori është festë shumëdimensionale për shqiptarët

Kryetari i Partisë Demokratike të Kosovës, Memli Krasniqi ka vizituar godinën e Lidhjes Shqiptare të ...