Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Serbia përfundimisht ka vendosur të mos përfillë vendimin e Këshillit të Bashkimit Evropian për sanksione kundër Rusisë. Ajo nuk përfillë vendimin e Këshillit të Bashkimit Evropian për zgjatjen e masave kufizuese në lidhje me veprimet që cenojnë ose kërcënojnë integritetin territorial, sovranitetin dhe pavarësinë e Ukrainës, tha shefi i politikës së jashtme të BE-së, Josep Borrell. Ai tha se Këshilli i BE-së ka miratuar më 13 mars 2023 Vendimin e Këshillit që zgjat deri më 15 shtator 2023 masat kufizuese për 171 individë dhe 65 subjekte. Vendet kandidate për në BE, Maqedonia e Veriut, Mali i Zi, Shqipëria, Ukraina dhe Bosnja e Hercegovina, si dhe vendet e EFTA-s, Islanda, Lihtenshtajni dhe Norvegjia, anëtare të Zonës Ekonomike Evropiane u rreshtuan me këtë vendim të Këshillit. Ata do të sigurojnë që politikat e tyre kombëtare të jenë në përputhje me këtë Vendim të Këshillit. Bashkimi Evropian e merr parasysh këtë angazhim dhe e mirëpret atë”, tha Borrell. Edhe pse një vend kandidat për në BE, Serbia nuk është bashkuar me asnjë nga vendimet e Këshillit të BE-së për sanksionet e vendosura ndaj Rusisë, për shkak të agresionit të saj kundër Ukrainës. Në muajt e fundit, zyrtarët evropianë i kanë bërë vazhdimisht thirrje Serbisë që t’i bashkohet sanksioneve të BE-së kundër Rusisë, por pa asnjë sukses.
