Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i AKI-së Petrit Ajeti është parë me Dejona Mihalisin, koordinatoren e Komitetit të Vetëvendosjes, edhe pse ajo zyrtarisht nuk është pjesë e Qeverisë-Kurti. Mihali dhe Ajeti u panë në Gërmi. Paparaci publikoi fotografi dhe video ku përveç Ajetit e Mihalit, shihen edhe ministri i Mbrojtjes, Ejup Maqedonci dhe këshilltari i tij, Durim Abdullahu. Më herët raportohej se Mihalit i ishte ndaluar hyrja në Kosovë së bashku me dy anëtarët e tjerë nga Shqipëria, Boiken Abazin e Arbër Zaimin. Një ndalim i tyre për të hyrë në Kosovë në vitin 2016 raportohej se ishte bërë me rekomandimin e strukturave të atëhershme të AKI-së. Mihali është në qendër të debateve ndërpartiake, veçmas nga deputeti Haki Abazi i cili para pak kohësh e denonconte se ua shkruan edhe fjalimet deputetëve të partisë në pushtet. Zonja Mihali nuk ka qenë pjesë e votimit, pjesë e listës së deputetëve, nuk ka qenë në garën e brendshme në Vetëvendosje por është zonja e cila kontrollon dhe menaxhon me grupin parlamentar dhe vendimmarrjen që bëhet aty, ka thënë deputeti, Haki Abazi.
