Shefi i GP të Lëvizjes Vetëvendosje, Glauk Konjufca thotë se Asociacioni po bëhet me instruksione të Serbisë

Shefi i Grupit Parlamentar të Lëvizjes Vetëvendosje, Glauk Konjufca, ka deklaruar se koncepti i unitetit për dialog me Serbinë dhe emri i kryetarit Thaçi brenda tij janë koncepte kundërthënëse dhe përjashtuese. Ai ka folur edhe për statutin e Asociacionit, i cili sipas tij po bëhet me instruksione të Serbisë. Kështu ka deklaruar për “Zërin” Konjufca, duke shtuar se Hashim Thaçi është emër përçarës, i cili më shumë kujdeset për hallet e veta, sidomos në raport me Gjykatën Speciale, sesa për mbrojtjen e interesave të Kosovës.