Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shqiprim Arifi ka fajësuar sërish kryeministrin, Kurti për pjesëmarrjen e ulët të votuesve shqiptarë në tri komunat e Kosovës Lindore. Ai ka thënë se dje u përmbyll procesi i zgjedhjeve parlamentare, duke shënuar pjesëmarrjen më të ulët të votuesve në tre dekadat e fundit. Javë më herët, kemi paralajmëruar se shqiptarët në Luginë do të bojkotojnë këto zgjedhje, gjë e cila ka ndodhur. Kjo, si pasojë e përfshirjes së kryeministrit Kurti, i cili ka përçarë spektrin politik shqiptarë në këto tri komuna shqiptare në dy lista për garën në zgjedhjet parlamentare. Si rrjedhojë, një shumicë e konsiderueshme e qytetarëve shqiptarë, mbi 60 mijë, zgjodhën bojkotimin e zgjedhjeve si formë proteste ndaj spektrit politik në Preshevë dhe Bujanoc. Përtej arsyeve që çuan në bojkot, është dhe vetëdija e qytetarëve me pritshmëritë nga rezultati që do të sillte deputeti në Beograd, ku fatkeqësisht çdo mandat i deputetit dekadave të fundit i ka zhgënjyer. Shqiptarët nuk presin më që në Beograd një apo dy deputetë të mund të sjellin ndryshime. Historikisht, deputetët, me mungesën e efekasitetit të tyre, nuk kanë arritur të sjellin rezultate pozitive për popullsinë shqiptare të kësaj ane, sepse në radhë të parë i kanë shërbyer përmbushjes së apetitve personale-partiake, me politika egocentrike, ka thënë Bartësi i listës “Alternativa Demokratike Shqiptare-Lugina e Bashkuar”.
