Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i OVL të UÇK-së, Nasim Haradinaj, ka reaguar në lidhje me protestën e sotme që u mbajt kundër ndërtimit të Xhamisë së Madhe, në Prishtinë. Në këtë protestë ishte edhe një person i cili në veshjen e tij mbante edhe simbole të UÇK-së. Haradinaj ka thënë se simbolet e UÇK-së nuk guxon askush t’i përdorë dhe as t’i keqpërdorë as pro e as kundër për agjenda fetare. “Rasti i sotëm dhe disa raste tjera në protesta apo manifestime tjera janë shkelje flagrante e simboleve dhe vlerave që përfaqëson UÇK-ja. UÇK-ja ishte institucion më mision kombëtar si rrjedhojë ishte mbi religjionin dhe bindjeve politike. Për UÇK-në Kombi është NJË pa segregime religjoze. Të vetmet tubime apo protesta që i fton OVL-UÇK kanë legjitimitetin të përdorin simbolet e UÇK-së, sepse këto ngërthejnë në vete protesta jopartiake dhe joreligjioze”, ka shkruar, Nasim Haradinaj.
