Sot në aksin e vijës malore, Berishë-Maja e Pallanikut, filloi faza e parë e ndërtimit të rrugës, për te Bunkeri i Luftës i Radios-Kosova e Lirë

Sot në aksin e vijës malore, Berishë-Maja e Pallanikut, filloi faza e parë e ndërtimit të rrugës, për te Bunkeri i Luftës i Radios-Kosova e Lirë

Sot në aksin e vijës malore, Berishë-Maja e Pallanikut ka filluar faza e parë e ndërtimit të rrugës, për te Bunkeri i Luftës i Radios-Kosova e Lirë.  Pas afër 24 vjet të ekzistimit të Radios-Kosova e Lirë, pas shumë e shumë përpjekjeve, më në fund filloi faza e parë e ndërtimit të rrugës, për te Bunkeri i Luftës.

Radio Kosova e Lirë, në vitin 2003 kishte arritur që me punë vullnetare, nga luftëtarët e UÇK-TMK-së dhe ndihmës së disa donatorëve, të rregullonte Shtëpinë Muze, po në fshatin Berishë, ku ndodhet i arkivuar tërë materiali shkrimor dhe radiofonik i kohës së luftës, pastaj mjete dhe pajisjet e shumta,  nga ku edhe bëhet transmetimi i programit.

Pronari i firmës “Ardi”, Mentor Hoti, luftëtar i lirisë, anëtar i stafit të Radios gjatë luftës, ka marrë përsipër t’ i kryejë punimet në këtë  territor shumë të përthyer malor me shtresa  të shumta gurore.

Mbështetjen financiare për këtë fazë të realizimit të ndërtimit të rrugës  e ka dhënë prof. dr. Xhavit Lipaj, një veprimtar i mirënjohur dhe kontribues i jashtëzakonshëm i  mbrojtjes së vlerave të luftës së Ushtrisë Çlirimtare të Kosovës.

Të përkujtojmë me këtë rast, se drejtoria e Radios-Kosova e Lirë ka bërë përpjekje të pareshtura që institucionet e Shtetit ta marrin në mbrojtje   Shtëpinë Muze, në fshatin Berishë dhe ta rregullojnë rrugën deti te Bunkeri i Radios, tashmë i rrënuar  në Majën e Pallanikut, por nuk ka gjetur mirëkuptim as përkrahje.

Kontrolloni gjithashtu

Rama

Kryeministri i Shqipërisë, Edi Rama, po qëndron për një vizitë zyrtare, në Azerbajxhan

Kryeministri i Shqipërisë, Edi Rama, në kuadër të vizitës në Azerjbajxhan,  u takua  me kryetarin …