Mes dhimbjes së madhe dhe lotëve, familjarë, të afërm, miq e shok të shumtë i kanë përcjellë viktimat për në varreza. Ceremonia mortore e 8 anëtareve,po zhvillohet në Pallatin i Kulturës në Durrës, në nder të familjes Familja Lala ishte ndër më të prekurat nga tërmeti shkatërrues. Tetë anëtarë humbën jetën nën rrënoja. I vetmi që i shpëtoi është 17-vjeçari Ramë Lala. Sahadete Lala 79 vjeç ndërroi jetë me djalin e saj të paralizuar Ilir Lala 52 vjeç, me nusen e djalit tjetër Marjeta Lala, 4 fëmijët e saj, dhe mbesën nga djali tjetër. Nën rrënoja mbeti po ashtu edhe Griselda 22 vjeç, motra e 17-vjeçarit Ramë Lala. I pranishëm në homazhet për viktimat nga tërmeti ishte edhe kryeministri i Shqipërisë, Edi Rama.
![Sot u është dhënë lamtumira e fundit familjes Lala të cilët u shuan nga jeta, pas tërmetit të rënë më 26 nëntor](https://www.radiokosovaelire.com/wp-content/uploads/2-88-1024x718-696x488-660x330.jpg)