Sot, është mbajtur një takim i përbashkët ndërmjet institucioneve lokale dhe partnerëve relevantë, me fokus të veçantë në punësueshmërinë e të rinjve dhe mundësitë për zhvillimin e tyre profesional.
Në takim morën pjesë përfaqësues nga Drejtoria për Kulturë, Rini dhe Sport – Sektori i Rinisë, Oda Ekonomike e Kosovës – Zyra Rajonale, Qendra e Aftësimit Profesional dhe Zyra e Punësimit, si dhe përfaqësues të GIZ Kosova.
Gjatë diskutimeve u trajtuan sfidat me të cilat përballen të rinjtë në tregun e punës, nevoja për ngritjen e aftësive profesionale dhe mundësitë për përfshirjen e tyre në programe të aftësimit, praktikës në punë dhe punësimit.
Pjesëmarrësit shkëmbyen ide dhe propozime konkrete për forcimin e bashkëpunimit ndërinstitucional, me synim krijimin e mundësive më të mira për zhvillimin profesional dhe ekonomik të të rinjve të Komunës së Ferizajt.
Të gjithë u pajtuan se fuqizimi i të rinjve dhe krijimi i perspektivave të reja për ta mbetet një prioritet i përbashkët, duke theksuar rëndësinë e koordinimit të vazhdueshëm ndërmjet institucioneve dhe partnerëve për të ndërtuar një treg pune më gjithëpërfshirës dhe më të favorshëm për gjeneratat e reja.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
