Terroristi që vrau 9 persona në Mynih të Gjermanisë ishte i fiksuar pas vrasësit Breivik që mbyti 77 njerëz

Terroristi që vrau 9 persona në Mynih të Gjermanisë ishte i fiksuar pas vrasësit Breivik që mbyti 77 njerëz

Terroristi i armatosur, i cili  vrau 9 qytetarë,  në Mynih të Gjermanisë ishte i fiksuar pas masakrave me armë zjarri dhe nuk njihej për lidhje me Shtetin Islamik. Është kjo deklarata që ka bërë policia gjermane një ditë pas ngjarjes tragjike në qendrën tregtare të qytetit.  Agjentët që bastisën shtëpinë e autorit, një shtetas gjerman me origjinë iraniane, gjetën gazeta me artikuj mbi sulmet e armatosura, përfshirë një të titulluar “Përse studentët vrasin?”.  Sipas burimeve policore gjermane, vrasësi, i cili kishte lindur në Mynih, gjatë sulmit ishte i armatosur me një pistoletë tip “Glok”.  Nga hetimet ka rezultuar se më parë ai kishte qenë nën kujdes psikiatrik dhe i ishte nënshtruar trajtimit për shkak të depresionit. Ndërkohë, hetuesit flasin edhe për një lidhje të sulmit të tij me atë të 5 viteve më parë të Anders Behring Breivik në Norvegji, ku humbën jetën 77 persona. “Lidhja është e qartë”, kanë thënë burime policore për BBC.

Kontrolloni gjithashtu

Shaip Kamberi

Shaip Kamberi nuk ka arritur të fitojë mandatin e deputetit në Kuvendin e Serbisë pas rivotimit që u bë në Tërnoc

Koalicioni i Shqiptarëve të Luginës ka marrë vetëm 598 vota, ndërkaq Kamberit i duheshin së …