Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesja e Lartë e BE-së, Federica Mogherini, gjatë vizitës në Prishtinë ka takuar edhe kryetarin e Kosovës, Hashim Thaçi. Ajo ka thënë me këtë rast se në tri vitet e fundit është bërë përparim i madh në gjithë Ballkanin Perëndimor dhe në Kosovë, mirëpo është shprehur se dialogu është shumë i rëndësishëm dhe sjell stabilitet në rajon. “E di që BE dhe unë personalisht do ta mbështesim Kosovën në rrugën e saj drejt BE-së. Duhet ende shumë punë për të bërë por është e rëndësishme që jemi këtu për të festuar. Kjo është një javë e gëzuar prandaj edhe jemi të fokusuar të punojmë së bashku. Të gjithë e dimë që dialogu është i rëndësishëm dhe siguron stabilitet për të gjithë”, tha Mogherini. Kryetari Thaçi, e njoftoi zonjën Mogherini edhe për raportet e shkëlqyera me vendet fqinje e në kuadër të kësaj edhe normalizimin e plotë të marrëdhënieve me Serbinë, pastaj përgjegjësitë, të cilat sipas tij i ka Kosova për themelimin e Gjykatës Speciale kundër UÇK-së dhe themelimin sa më parë të Asociacionit të Komunave me shumicë serbe.
