MIT
kek
Airport Adem Jashari
Fillimi / Lajmet / Trump i kërcënon vendet evropiane se do t’ua lëshojë në kufij luftëtarët e ISIS-it, nëse ato nuk i riatdhesojnë ata
Trump i kërcënon vendet evropiane se do t’ua lëshojë në kufij luftëtarët e ISIS-it, nëse ato nuk i riatdhesojnë ata nga kampet e Sirisë

Trump i kërcënon vendet evropiane se do t’ua lëshojë në kufij luftëtarët e ISIS-it, nëse ato nuk i riatdhesojnë ata

Kryetari i Shteteve të Bashkuara, Donald Trump, i ka kërcënuar vendet evropiane se do t’ua lëshojë në kufij luftëtarët e ISIS-it, nëse qeveritë e tyre nuk fillojnë t’i riatdhesojnë ata nga kampet e Sirisë. Duke folur në konferencën për vrasjen e liderit të ISISI-it, Abu Bakr al-Baghdadi, kryetari amerikan tha se shtetet evropiane janë një zhgënjim i jashtëzakonshëm. Pasi i falënderoi Rusinë, Turqinë, Sirinë dhe Irakun për dhënien e ndihmës për operacionin e kapjes së liderit të ISIS-it, kreu i Shtëpisë së Bardhë tha se ai personalisht iu ka bërë presion vendeve të BE-së që t’i marrin pjesëtarët e burgosur të ISIS-it. “Ata erdhën nga Franca, ata erdhën nga Gjermania, ata erdhën nga Britania. Ata erdhën nga shumë shtete. Unë iu thashë se nëse nuk i marrin, do t’ua dërgoj në kufijtë e tyre dhe pastaj ata mund të zbaviten duke i zënë përsëri”, tha ai. Trump shtoi se, nëse të burgosurit e ISIS-it ikin nga kampet e kontrolluara nga kurdët, Shtetet e Bashkuara nuk do t’i kapin njerëzit që duan të kthehen në Gjermani, Francë, Britani dhe në pjesë të tjera të Evropës. Shefi i Shtëpisë së Bardhë ka bërë kërcënime të tilla edhe në të kaluarën. Para disa javësh, ai kishte deklaruar se nuk mërzitet për ikjen e luftëtarëve të ISIS-it nga burgjet, sepse, siç kishte thënë ai, ata do të shkojnë në Evropë.

Kontrolloni gjithashtu

Haxhiu:Ministria e Infrastrukturës dhe Ministria e Punëve të Jashtme nuk janë përgjigjur për zbatimin e ligjit

Deputetja e VV-së, Albulena Haxhiu porositë LDK-së të mos barrikadohen pas kërkesës për postin e presidentit

Pas mbledhjes së kryesisë Lëvizjes Vetëvendosje, deputetja nga radhët e saj, Albulena Haxhiu ka porositur ...