Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Trupi gjykues i Gjykatës Speciale, në Hagë, fton Prokurorinë t’ i ngushtojë akuzat kundër krerëve të UÇK-së. Në vendimin që mori lidhur me kërkesën e mbrojtjes së ish-kryetarit Hashim Thaçi, ku është kërkuar që trupi gjykues të ftojë Zyrën e Prokurorit që të ngushtojë shtrirjen kohore të aktakuzës, në jo më vonë se 20 qershori i vitit 1999, trupi gjykues ka thënë se kohët e fundit ka ftuar Prokurorinë që t’i ngushtojë akuzat në aktakuzë, në përputhje me rregullën 118. Në vendim e trupit gjykues të Gjykatës Speciale është thënë se Paneli e konsideron kërkesën e parë të diskutueshme. Ftesën që prokuroria të ngushtojë akuzat në aktakuzë, trupi gjykues i Speciales e ka bërë në konferencën e 15 shkurtit. Trupi gjykues ka rikujtuar se në vendimin e parë konfirmues, gjyqtari i procedurës paraprake, pasi kishte shqyrtuar materialet përkatëse mbështetëse, konstatoi se Zyra e Prokurorit kishte krijuar dyshime të bazuara se i akuzuari kishte kryer ose kishte marrë pjesë në kryerjen e krimeve të luftës dhe krimet kundër njerëzimit nga të paktën marsi 1998 deri në shtator 1999. (Betimiperdrejtesi)
