U mbajt mbledhja e KPF-së në komunën e Rahovecit, e dyta për këtë vit

20/02/2024 Institucionet

Udhëhequr nga kryesuesi Arbër Zenuni, në komunën e Rahovecit, sot është mbajtur mbledhja e dytë e komitetit për politikë dhe financa (KPF) për vitin 2024. Të pranishëm në mbledhje, përveç anëtarëve të komitetit, si zakonisht ishin edhe nënkryetari, z. Fatmir Iska, drejtorët e drejtorive dhe zyrtarët komunalë. Mbledhja si zakonisht ishte konstruktive dhe dinamike, ku për mbledhjen e rregullt të kuvendit, unanimisht u ceduan këto pika:

  1. Shqyrtimi i vendimit për ndryshimin dhe plotësimin e vendimit 01 Nr.325/22, i datës 31.5.2022, për përbërjen dhe organizimin e komitetit për arsim;

  2. Shqyrtimi i vendimit për shfuqizimin e vendimit 01 Nr.174/23, i datës 27.12.2023, për mbulimin e shpenzimeve të varrimit për vitin 2024;

  3. Shqyrtimi i vendimit për plotësimin e listës rezervë për emërtimin e rrugëve dhe shesheve në komunën e Rahovecit;

Shtesë ishte një pikë:

Shqyrtimi i vendimit për dhënien e pëlqimit paraprak për të filluar procedurat përmes konkurrimit të hapur për dhënien në shfrytëzim afatgjatë të pronës së paluajtshme të komunës, personave fizikë dhe juridikë deri në 25 vjet. Po ashtu, në mbledhjen e sotme, kryesuesi i njoftoi anëtarët e komitetit, se edhe këto pika do të jenë në rend dite për mbledhjen e rregullt të kuvendit:

Informatë e DKA-së për përfundimin e gjysmëvjetorit të parë të vitit shkollor 2023/2024;

Informatë mbi kontratat publike të Komunës së Rahovecit;

Raport nga Zyra e Auditimit të Brendshme për vitin 2023 dhe diskutimi i planit të veprimit;

Raport mbi zbatimin e rekomandimeve të dhëna në raportin e auditimit nga ZKA-ja, për vitin 2022;

Raporti i Komitetit për Shëndetësi dhe Përkujdesje Sociale për vitin 2023.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara