Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në 17-vjetorin e rënies heroike dhe në respekt e nderim të dëshmorëve: Rasim Kiçina dhe Ragip Halilaj, sot në Prishtinë u mbajt një Akademi përkujtimore. Duke folur për dëshmorin, luftëtari i Dukagjinit, Daut Haradinaj, bashkëluftëtar i Heroit Rasim Kiçina tha se Drenica ka dhënë heronj ndër breza dhe falë kësaj sakrifice sot jemi këtu ku jemi. “Për mua ka qenë nder i veçantë që e kam njohur personalisht, Rasim Kiçinën, jo vetëm në Drenicë, por atë e kanë njohur edhe në Dukagjin, në Llap e në Shalë. Aty ku ishte nevoja ishte pushka e Rasim Kiçinës, ishte pushka e Mujë Krasniqit, e Ilaz Kodrës, e Abedin Rexhës dhe e të gjithë atyre luftëtarëve të mëdhenj të kombit shqiptar, që veten e tyre pë çlirimin e vendit, nuk e kursyen. Ata njerëz e dhanë jetën që ne sot të jemi të lirë, por edhe kjo liri e ka kushtin e vet, themelimin e shtetit, ndërtimin e shtetit, forcimin e shtetit, respektimin e vlerave, ka thënë me këtë rast deputeti i AAK-së, Daut Haradinaj.
