Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Redaksia “Dëshmorët e UÇK-së” përuroi monografinë, “Feniksët e lirisë-17”, ku janë përfshirë biografitë edhe të 78-të dëshmorëve të tri ushtrive tona çlirimtare. Monografia përurua në Amfiteatrin e Bibliotekës Kombëtare në Prishtinë. Në fjalën e tij gjatë përurimit, redaktori, Ahmet Qeriqi, mes tjerash ta se Redaksia, “Dëshmorët e UÇK-së” pavarësisht vështirësive nuk do ta ndërpresë punën, në realizimin e projektit, por tani e tutje do të angazhohet duke u mbështetur në punën gratis të atyre veprimtarëve e gazetarëve, sidomos familjarë të dëshmorëve, të cilët në të ardhmen, me të dhënat që do të prezantojnë duke u mbështetur në pyetësorin e Redaksisë do ta ndihmojnë realizmin e këtij projekti. Obligimin të cilin e kanë marrë përsipër anëtarët e Redaksisë, do të bëjnë përpjekje ta kryejnë, për hir të gjakut të derdhur për liri, për hir të familjeve të dëshmorëve dhe për hir të historisë së luftës së Ushtrisë Çlirimtare të Kosovës, e cila në këto vëllime rrëfehet me besnikëri, saktësi e realizëm, pa teprime e hiperbolizime. Biografitë e dëshmorëve të prezantuara në vëllimet e librit, “Feniksët e lirisë” janë hartuar me përgjegjësi, sepse mbështeten në burimet e dorës së parë, në të dhënat e bashkëluftëtarëve dhe familjeve të tyre. 
Veteranja e luftës së UÇK-së, profesoresha e gjuhës shqipe, Elmije Plakiqi foli për papërgjegjësinë e zyrtarëve lidhur me vlerat e luftës. Ajo kërkoi që të zbardhet sa më shumë lufta e UÇK-së, biografitë e dëshmorëve dhe tërë historia jonë e rezistencës, e cila me luftën e UÇK-së bëri një kthesë të madhe në rrugë për realizimin e programit kombëtar për bashkimin e shqiptarëve.
Një fjalë rasti e paraqiti para të pranishmëve edhe kolenel Dilaver Goxhai, anëtar i Redaksisë i cili kritikoi institucionet e vendit për shkak të anashkalimit të financimit të këtij projekti, edhe pse ishin obliguar me nënshkrimet e tyre me rastin e themelimit të Redaksisë. Ai pati vërejtje edhe lidhur me mos marrjen pjesë në përurimin e këtij libri të zyrtarëve të Qeverisë dhe të komandantëve të luftës.
Gazetari i luftës, shkrimtari e publicisti, Martin Çuni në fjalën e tij kërkoi nga institucionet e vendit të jenë më të përgjegjshënm në ruajtjen e vlerave të luftës dhe të mos lejojnë të shtrihet pluhuri i harresës, ashtu sikur ka ndodhur jo vetëm njëherë në të kaluarën.
Në fund, anëtari i redaksisë, Hajrush Kurtaj dhe veteranja e UÇK-së Elmije Plakiqi, familjarëve të dëshmorëve të prezantuar në vëllimin Feniksët e lirisë 17 u shpërndanë nga një libër.
Përurimi i monografisë "Feniksët e Lirisë – 17"
Gepostet von Radio Kosova e Lire am Freitag, 20. Dezember 2019
