Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja e Komisionit Evropian, Ursula von der Leyen, është cituar të ketë deklaruar se normalizimi i marrëdhënieve ndërmjet Beogradit dhe Prishtinës është i një rëndësie të madhe, vendimtare për stabilitetin, sigurinë dhe prosperitetin e rajonit. Ajo shpreson që të dyja palët të kapin momentin në dialog dhe të jenë konstruktivë në bisedimet e ardhshme. Ursula der Lejen ka diskutuar edhe për dialogun ndërmjet Beogradit dhe Prishtinës me kryetarin amerikan, Xho Biden dhe në pyetjen se sa është e rëndësishme për procesin e zgjerimit dhe stabilitetin e Evropës që Beogradi dhe Prishtina të normalizojnë marrëdhëniet, si dhe cilat janë pasojat nëse negociatat e 18 marsit në Ohër nuk sjellin rezultat, von der Leyen tha se kjo është një mundësi për të dyja palët dhe shprehu shpresën se bisedimet do të jenë konstruktive. Lufta në Ukrainë nënvizoi rëndësinë gjeostrategjike të procesit të zgjerimit. Ne dëshirojmë që partnerët tanë të Ballkanit Perëndimor të jenë sa më afër nesh dhe sa më shpejt të jetë e mundur, tha Ursula Von der Lejen.
