Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja e Komisionit Evropian, Ursula von der Leyen, pas samitit të Procesit të Berlinit, tha se integrimi i hershëm ekonomik është çelësi i suksesit të zgjerimit”. Tregu i përbashkët rajonal luan një rol kyç, pasi ekonomitë e Ballkanit Perëndimor mund të integrohen gradualisht në tregun tonë të vetëm, tha ajo. Kancelari i Gjermanisë, Olaf Scholz i priti liderët e vendeve të Ballkanit Perëndimor në Berlin. Në hapje të samitit të Procesit të Berlinit, ai u bëri thirrje Kosovës dhe Serbisë që të angazhohen më aktivisht në normalizimin e marrëdhënieve mes tyre, duke u zotuar se për këtë do të punojë edhe personalisht me të dyja vendet. Kosova rrezikoi të përjashtohej nga marrëveshja për tregti të lirë, CEFTA dhe Procesi i Berlinit, siç u paralajmërua nga Gjermania, por për ta shmangur këtë një e hoqi para një jave ndalesën për mallrat serbe. Tash, Kosova përfaqësohet në CEFTA me emrin e saj dhe jo përmes Misionit të Organizatës së Kombeve të Bashkuara në Kosovë (UNMIK). Gjithsesi, pranë emrit të Kosovës do të vendoset një yll, ose fusnotë, që tregon se statusi i vendit nuk është zgjidhur përfundimisht.
