Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vendimi i Shteteve të Bashkuara për tërheqje të forcave nga verilindja e Sirisë, duke i lënë shtegun e hapur Turqisë që të zhvillojë një operacion kundër luftëtarëve kurdë, mund ta “ringjallë” grupin militant Shteti Islamik. Ky është alarmi që u ngrit nga Ministria e Mbrojtjes e Francës. Në verilindje të Sirisë gjenden luftëtarët kurdë të njohur si grupit të Partisë së Punës së Kurdistanit dhe ata kanë kanë qenë aleatët më të fuqishëm dhe besnikë të Shteteve të Bashkuara në luftën kundër Shtetit Islamik. Por, Turqia i konsideron terroristë, dhe dëshiron t’i largojë nga kufiri i saj. Shtetet e Bashkuara dhe Turqia kanë qenë në bisedime për krijimin e një zone të sigurisë në verilindje të Sirisë. Kjo zonë, sipas zyrtarëve turq, do të shërbente për kthimin e mbi 3 milionë refugjatëve sirianë që ndodhën në Turqi. Ankaraja i ka kërcënuar pandërprerë vendet perëndimore se do të hapë kufijtë e saj, në mënyrë që refugjatët të mund të kalojnë në perëndim. Bisedimet mes Amerikës dhe Turqisë për krijimin e zonës së sigurisë në verilindje të Sirisë, ishin të tejzgjatura, duke e humbur durimin e Ankarasë, e cila paralajmëroi se do të veprojë e vetme dhe paralajmëroi një operacion kundër militantëve kurdë.
