Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vizita e Vladimir Putinit në Slloveni po shihet si pjesë e fushatës për zbutjen e sanksioneve evropiane ndaj Moskës dhe si sinjal i përpjekjeve për të ruajtur një lloj ekuilibri në këtë kohë marrëdhëniesh të akullta mes Moskës dhe Perëndimit. Shteti anëtar i NATO-s e BE-së, njëkohësisht vendlindja e bashkëshortes së Donad Trumpit, Melania, ka ruajtur marrëdhënie të ngushta me Rusinë, edhe pse iu bashkua masave shtrënguese të bllokut kundër Moskës për shkak të ndërhyrjes në Ukrainë. Ndalesën e kreut të shtetit rus, Sllovenia u përpoq ta përshkruante si “jozyrtare” e që nuk bie ndesh me politikën e sanksioneve të BE-së. Presidenti Borut Pahor shkoi deri aty sa t’u lutej partnerëve të Bashkimit Europian e të NATO-s, të mos e shohin këtë vizitë si “thikë pas shpine”. Në fund të fundit, – kujton gazeta “Delo”, Rusia vazhdon të mbetet partneri më i rëndësishëm ekonomik i vendit jashtë BE-së. Sanksionet iu bllokuan rusëve qasjen në tregjet financiare globale e paralizuan transferimin e teknologjive kyçe. Moska u hakmor duke ndaluar shumë nga mallrat perëndimore të konsumit, lëvizje kjo që dëmtoi mjaft vende evropiane, përfshirë Slloveninë.
