Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vizita në Moskë dhe deklaratat e ish-kancelarit gjerman, Gerhard Schröder kanë shkaktuar reagime të ndryshme. A është ai ndërmjetës në luftën në Ukrainë, shpëtimtar i Evropës apo zëdhënës i Putinit? Pas deklaratave të ish-kancelarit Gerhard Schröder se Rusia është e gatshme për arritjen e një zgjidhjeje në luftën e Ukrainës përmes bisedimeve, pati kritika të ashpra nga Kievi. Presidenti ukrainas Volodimir Zelenski tha se është “e neveritshme” kur “ish-udhëheqësit e shteteve të fuqishme me vlera evropiane punojnë për Rusinë, e cila lufton pikërisht kundër këtyre vlerave”. Nëse qeveria e Moskës do të donte vërtet përfundimin e luftës ajo “nuk do të kishte dërguar përforcime në Ukrainën jugore dhe nuk do të kishte kryer vrasje masive në territorin ukrainas”, tha presidenti ukrainas. Në një intervistë me revisten “Shtern” Gerhard Schröder ishte shprehur për “lajme të mira” pas vizitës javën e kaluar në Moskë. “Kremlini dëshiron një zgjidhje përmes negociatave”, tha ish-kancelari.
