Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Rusisë, Vladimir Putin, ka vëzhguar nga afër stërvitjet ushtarake, ku po marrin pjesë edhe forcat e Kinës dhe shteteve të tjera që kanë qëndrim miqësor me Rusinë, tha zëdhënësi i Kremlinit, Dimitri Peskov. Putin u takua të martën me ministrin e Mbrojtjes së Rusisë, Sergei Shoigu, dhe me shefin e stafit të ushtrisë, Valery Gerasimov, në poligonin Segevski, dhe vëzhgoi nga afër fazën finale të stërvitjeve ushtarake, tha Peskov për gazetarët. Stërvitjet ushtarake, të quajtura Vostok 2022, nisën më 1 shtator dhe janë paraparë që të zgjasin deri më 7 shtator. Ato po zhvillohen në disa qendra trajnuese ushtarake në Lindjen e Largët të Rusisë dhe në bregdetin lindor. Sipas Moskës, mbi 50 mijë ushtarë dhe mbi 5.000 njësi të pajisjeve ushtarake, përfshirë 140 avionë dhe 60 luftanije po marrin pjesë në stërvitjet e mëdha ushtarake. Në shtetet pjesëmarrëse bëjnë pjesë disa nga shtetet fqinje të Rusisë, por edhe Siria, India dhe Kina, aleatja kryesore e Rusisë.
