vala – old
driloni com
vipa
Fillimi / Lajmet / Disa nga diskutimet në Kuvend lidhur me miratimin e demarkacionit të kufirit të Kosovës me Malin e Zi
Disa nga diskutimet në Kuvend lidhur me miratimin e demarkacionit të kufirit të Kosovës me Malin e Zi

Disa nga diskutimet në Kuvend lidhur me miratimin e demarkacionit të kufirit të Kosovës me Malin e Zi

Shef i Grupit Parlamentar të PDK-së, Memli Krasniqi  ka thënë se çështja për të cilën deputetët janë mbledhur sot është shqyrtimi i një teme që në tri vitet e fundit është diskutuar dhe është thënë shumëçka rreth saj. “Në këtë Kuvend kemi parë edhe skena që nuk i kanë takuar jetës parlamentare që nuk i kanë takuar Kosovës. E gjitha si pasojë e kundërshtimeve rreth kësaj çështje”. Në emër të Grupit Parlamentar të PDK-së kërkojmë nga të gjithë deputetët që në vendimet e tyre të kenë parasysh interesat e qytetarëve të Kosovës.

Shefi i grupit parlamentar të Lidhjes Demokratike të Kosovës, Avdullah Hoti, ka thënë se pas ratifikimit të Marrëveshjes së demarkacionit, Ramush Haradinaj duhet të jap dorëheqje nga pozita e kryeministrit dhe vendi të shkojë në zgjedhje. Ai ka thënë se LDK-ja në mënyrë unanime do ta votojë këtë marrëveshje. Më tutje, Hoti ka ftuar deputetët e Vetëvendosjes që ta votojnë Marrëveshjen e demarkacionit me Malit të Zi, duke mos e lënë Listën Serbe që të faktorizohet në raport me këtë marrëveshje.

Deputeti i Grupit të Deputetëve të Pavarur Visar Ymeri, ka bërë të ditur përfundimisht se ky grup i ri parlamentar nuk do ta votojë marrëveshjen e demarkacionit. Nuk e votojmë sepse ka parregullsi. Kosova nuk duhet të bëhet precedent që të heqë dorë nga territori i saj”, ka deklaruar Ymeri. Ai më tej, ka thënë se nga institucionet e vendit që të ecer gabimisht dhe pa kërkuar përgjegjësi. Ndërkohë, edhe Lëvizja Vetëvendosje deri më tash ka bërë të ditur se nuk ka votë për demarkacionin.

Shefi i grupit parlamentar të Aleancës për Ardhmërinë e Kosovës, Ahmet Isufi, ka thënë se deputetët e këtij grupi do ta votojnë marrëveshjen për demarkacionin me Malin e Zi. “Ju ftojë që të votoni Projektligjin të cilin e ka sjellë Qeveria e Republikës së Kosovës”, ka thënë Isufi. Ai ka thënë se deklarata e dy presidentëve, Hashim Thaçi dhe Filip Vujanoviq, i jep mundësi korrigjimit të demarkacionit.

Shefi i Grupit Parlamentar të Vetëvendosjes, Glauk Konjufca, ka thënë se kryeministri Ramush Haradinaj duhet t’i kërkojë falje publikisht ish-drejtuesit të komisionit shtetëror për shënimin e kufirit, Murat Meha. Ai pastaj ka shtuar  se në momentin kur të  ratifikohet demarkacioni Kosova do të vajtojë. Territorin e humbim nëse kalon demarkacioni, hajnat mbesin e vizat nuk hiqen. Nëse ndodhë kjo, do të vajtojmë”, ka theksuar Konjufca.

Shefi i grupit parlamentar të Nismës Socialdemokrate, Bilall Sherifi, ka thënë se për çështjen e demarkacionin me Malin e Zi është debatuar mjaft. Ai në fjalën e tij para deputetëve të Kuvendit të Kosovës ka thënë se tashmë deputetët e kanë ndarë mendjen për demarkacionin. Në këtë kontekst, Sherifi ka thënë se deputetët e Nismës do të votojnë pro demarkacionit. Edhe deputeti i grupit parlamentar 6+, Albert Kinolli, ka bërë me dije se deputetët e këtij grupi do të votojnë pro marrëveshjes së demarkacionit me Malin e Zi. Ai ka ftuar të gjithë deputetët që të votojnë këtë marrëveshje.

Kontrolloni gjithashtu

Shefi i GP të LDK-së, Avdullah Hoti: Të mërkurën mbahet tryeza e partive politike, diskutohet edhe për zgjedhjet

Avdullah Hoti: Të mërkurën mbahet tryeza e partive politike, diskutohet edhe për zgjedhjet

Shefi i grupit parlamentar të LDK-së, Avdullah Hoti ka bërë të ditur se sot do ...