Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vetëm disa orë pasi që u zgjodh kryetar Kuvendi, Kadri Veseli, ka pritur në zyrën e tij të mandatuarin për kryeministër Ramush Haradinaj. Kryetari i AAK-së është caktuar mandatar për kryeministër nga koalicionit PDK-AAK dhe Nisma së bashku me AKR-në dhe Listën Serbe nga kryetari i Kosovës Hashim Thaçi. Haradinaj pasi doli nga zyra e Kadri Veselit tha se Qeveria e re do të formohet shumë shpejt ndërkohë që bëri një apel për të rinjtë e Kosovës. Ai tha se pas konstituimit të Kuvendit i pret edhe një sfidë tjetër ajo e formimit të Qeverisë ndërkohë që ka pranuar se gjendja në vend nuk është e mirë Haradinaj ka apeluar të rinjtë e Kosovës që mos të marrin botën në sy pasi zgjidhja e vetme është këtu. “Mendojmë se kemi ditë gjithë mos me humb shpresën. Kjo besoj që është një sinjal për ata që se marrja e rrugës së dynjasë me autobusë nuk është zgjidhje. Ta shohin se zgjidhjen mund ta bëjnë në vend. Pra e kam fjalën për të rinjtë që po ikin. U bëj thirrje qytetarëve të Kosovës që zgjidhja është këtu siç ndodhi sot në Kuvend ashtu do të ndodhë edhe të ardhmen, tha Haradinaj.
