Kryeprokurori i Shtetit, Aleksandër Lumezi, ka kërkuar nga Prokuroria Themelore në Prishtinë që të fillojnë hetimet për çdo zyrtar, nëse dëshmohet ka kryer ndonjë vepër penale me rastin e publikimit të listave të veteranëve. “Zyra e kryeprokurorit të Shtetit ka kërkuar që të fillohen hetimet paraprake për të verifikuar çdo veprim të personave zyrtarë në sistemin prokurorial dhe gjyqësor, si dhe, të zyrtarëve apo personave të tjerë jashtë këtyre sistemeve, nëse të njëjtit kanë kryer vepër penale me rastin e publikimit të emrave të personave të përfshirë në listat e veteranëve apo pjesëtarëve luftëtarë të UÇK-së”, thuhet në një njoftim nga zyra e kryeprokurorit. Para disa javësh nga portale e medie mercenare janë publikuar emrat e veteranëve që pretendohet se janë të rrejshëm, por në mesin e atyre listave janë shkruar edhe shumë emra të atyre që kanë qenë luftëtarë të lirisë.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …