Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Moti di të përsëritët por në rrethana të ndryshme. Sot bëhen 20 vite nga rënia e komandantit të UÇK-së, Mujë Krasniqit dhe 40 bashkëluftëtarëve të tij si dhe plagosja e shumë të tjerëve. Në kufirin shqiptaro-shqiptar u skuq bora më gjakun e trimave që më supet e tyre rëndonin çantat e stërmbushura më armë e municione që ishin të destinuara për t’i dhënë zjarr luftës çlirimtare. Por as pritat e mirë organizuara të pabesisë sikur kjo në të cilën ranë heroikisht bijtë e bijat më të mirë të atdheut nuk ulën dot moralin e luftës të nisur nga komandanti legjendar Adem Jashari dhe Ushtria Çlirimtare e Kosovës. Aty ranë 41 por u ngritën 41 mijë të tjerë që atdheut i bënë shumë nder më zëmra e guxim sikur Ademi, Hamza, Muja, Sandokani, Fehmi, Xheva e shumë shumë të tjerë që janë përjetësuar më vonë për t’u bërë gurthemel i lirisë dhe pavarësisë së Kosovës. Ndërsa sot pikërisht në 20 vjet nga kur komandant Mujë Krasniqi dhe bashkë luftëtarëve e tij iu falën tokës së Kosovës në një ditë të bardhë më dëborë për koincidencë sikur sot në atdheun tonë të lirë e të pavarur ndonëse si proces është paksa i vonuar por historik po bëhet transformimi i FSK-së në Ushtri të Kosovës është ecuri më se e domosdoshme për të jetësuar amanetin e mijëra dëshmorëve të kombit. Lum si ne që e përjetuam historinë më të lavdishme të atdheut, luftën çlirimtare, lirinë e atdheut, pavarësinë e shtetit dhe sot krijimin e ushtrisë. Urime Kosovë Ushtria, Zoti të bekoftë ty!
