Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendëskryeministri në detyrë, Behxhet Pacolli, ka pritur mbrëmë ambasadorët dhe shefat e misioneve diplomatike të akredituar në Prishtinë. Të pranishëm në këtë takim ishin edhe kryetari i Kosovës, Hashim Thaçi, si dhe kryeministri në detyrë, Ramush Haradinaj. “Ndonëse vijë nga një karrierë ndërkombëtare biznesi në nivelet më të larta, e kam zhvilluar këtë mision plotë modesti dhe respekt për të tjerët. I kam ofruar pa hezitim Kosovës, profilin tim ndërkombëtar, miqësitë e mia, ndjenjën time të shërbimit kombëtar”, ka potencuar ministri Pacolli. Ai ka kërkuar edhe më tutje mbështetjen e miqve të shumtë që ka Republika e Kosovës në jetësimin e këtyre synimeve. Sipas tij, veni ka fatin për miqtë që ka dhe për mbështetjen që ata i japin synimeve diplomatike të shtetit tonë. Para trupit diplomatik, ai është zotuar se Kosova do t’i përfundojë të gjitha obligimet ndërkombëtare, në mënyrë që të jetë anëtare e plotë e sistemit ndërkombëtar.
