Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në shenjë respekti dhe nderimi për jetën dhe veprën e tij liridashëse, sot në Pejë përkujtohet Dëshmori i Kombit, Esat Ramë Tahiraj. Organizuar nga Organizata e Veteranëve të Luftës së Ushtrisë Çlirimtare të Kosovës, dega në Pejë, sot në Varrezat e Dëshmorëve të Kombit, në fshatin Fierzë të Pejës do të bëhen homazhe te varri i dëshmorit, Esat Ramë Tahiraj. Vrasja e tij ishte bërë nga UNMIK-u, i cili me politikën e vet kolonialiste, po e ngulfaste Kosovën, duke e kthyer prapa. Në procesin hetimor, të organizuar me këtë rast, UNMIK-u përdori të gjitha mjetet e mundshme, për të zhvilluar një hetim absolutisht të njëanshëm, duke kërcënuar e shantazhuar dëshmitarët dhe duke shpikur dëshmitarë të rremë, që ta fshihnin realitetin e vrasjes së tij, më 17 mars të vitit 2004.
