Brickos

Kompania “Stone Castle Vineyards and Winery” i ka dhuruar Ministrisë së Shëndetësisë një donacion prej 10.000 litrave të alkoolit etilik (destilat)

26/03/2020 Institucionet

Kompania “Stone Castle Vineyards and Winery” i ka dhuruar Ministrisë së Shëndetësisë një donacion prej 10.000 litrave të alkoolit etilik (destilat), i cili do t’ju shërbejë institucioneve shëndetësore. Gjithashtu, ajo i ka dhuruar destilat edhe Komunës së Rahovecit dhe Stacionit Policor në Rahovec, si nevojë e jona për parandalimin e përhapjes së Covid-19. Produkti i dhuruar për institucionet shëndetësore është konfirmuar për cilësinë e tij paraprakisht nga kompania “Trepharm”. Komuna jonë është me fat që ka një kompani sikur Stone Castle, e cila po ndikon jashtëzakonisht shumë në zhvillimin e bujqësisë, përkatësisht vreshtarisë dhe verëtarisë në Rahovec e më gjerë. Bashkëpunimi me personalitete të shquar e të dëshmuar është pasuri për të gjithë ne, e Baca Rrustem Gecaj, njihet përveçse si afarist i zoti, edhe kontribues i madh i shoqërisë dhe kombit shqiptar. Me këtë rast, Kryetari i komunës së Rahovecit Smajl Latifi, e falënderoj për gatishmërinë, ndihmën dhe solidaritetin e treguar jo vetëm ndaj Komunës së Rahovecit, edhe në këto ditë jo të lehta për të gjithë ne. Shfrytëzoj rastin të falënderoj edhe menaxherin e kësaj kompanie, Ylber Bajraktari, të cilit i shpreh mirënjohjen për bashkëpunimin dhe ndihmën e dhënë Komunës së Rahovecit dhe Ministrisë së Shëndetësisë, ka thënë Kryetari Latifi.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara