Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Instituti Kombëtar i Shëndetësisë konfirmon se 33 personat e testuar të fshatit Miradi e Ulët, që i përkisnin rrethit familjar të tre të infektuarve me COVID-19, kanë dalë negativë. Ky është një lajm i mirë për banorët e këtij fshati, por edhe për të gjithë qytetarët e komunës së Fushë Kosovës. Shtabi Emergjent në Fushë Kosovë falënderon IKSH-në për veprimin e shpejtë, në mënyrë që të sqarohet gjendja e rrethit social të të prekurve nga COVID-19. Njëherësh njofton se gjendja e të prekurve është shumë e mirë dhe ata janë në përkujdesje të vazhdueshme “Me këtë rast duam të falënderojmë familjarët e të prekurve dhe qytetarët e fshatit Miradi e Ulët për mirëkuptimin, bashkëpunimin dhe maturinë e treguar gjatë këtyre ditëve. Gjithashtu falënderojmë edhe Institutin Kombëtar të Shëndetit Publik të Kosovës, që pas reagimit publik që kemi pasur kanë vendosur një bashkëpunim ndërinstitucional shumë korrekt dhe profesional, thuhet në kumtesë.