Zyrtarë të Qeverisë në detyrë të Kosovës, iu bënë një vizitë Doganave të Kosovës për të parë nga afër zbatimin e parimit të reciprocitetit me shtetin e Serbisë. Ushtruesi i detyrës së drejtorit të përgjithshëm të Doganave të Kosovës, Ibrahim Xhaka, e njoftoi kryeministrin në shkarkim, Albin Kurtin lidhur me mbarëvajtjen e punës së doganave pas situatës së krijuar me COVID-19 dhe mbi zbatueshmërinë e vendimit të qeverisë në detyrë për masat e para reciproke ndaj Serbisë. Pas vizitës së realizuar, kryeministri i shkarkuar, Albin Kurti ka thënë se me vendimin e qeverisë për masat e para të reciprocitetit po zbatojmë reciprocitet gradual, derisa njëkohësisht po i ndërtojmë kapacitetet për zbatimin efikas të tyre. Ai ka thënë se reciprociteti buron nga parimi i barazisë.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …