Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Beogradi nuk e pranon notë-protestën e Tiranës ndërsa një notë të tillë i dërgon ambasadës së Shqipërisë, në Beograd. Ministria e Punëve të Jashtme e Serbisë ia ka dorëzuar një notë proteste ambasadorit të Shqipërisë në Serbi, Ilir Boçkës. Në këtë notë proteste, Serbia shprehë shqetësimet në lidhje me deklaratat e dhëna gjatë mbledhjes së përbashkët të Qeverisë së Kosovës dhe asaj të Shqipërisë më 2 tetor në Tiranë. “Deklarata të tilla, të cilat nënkuptojnë bashkimin e Shqipërisë dhe Kosovës dhe krijimin e një Shqipërie të Madhe, janë një arsye e justifikueshme shqetësimi, si për Republikën e Serbisë ashtu edhe për vendet e tjera në rajon të angazhuara për ruajtjen e stabilitetit dhe intensifikimin e bashkëpunimit në rajon”, është thënë në njoftimin e ministrisë serbe. Ministria e Punëve të Jashtme e Serbisë, ka njoftuar se i ngarkuari i përkohshëm me punë i ambasadës serbe në Tiranë ishte ftuar në Ministrinë e Punëve të Jashtme të Shqipërisë më 6 tetor për t’ia dhënë një notë proteste, ndërsa sipas tyre ai ka refuzuar ta pranonte notën e protestës për shkak të “pikëpamjeve të papranueshme të shprehura në të”.
