Mërgimtari Bashkim Shala, i dhuroi kabinet të informatikës, shkollës në Guncat

07/04/2016 Institucionet

Se mërgimtarët tanë, që jetojnë dhe punojnë në botën e jashtme, vazhdojnë të ndihmojnë në zhvillimet e përgjithshme të vendit, e dëshmon edhe ndihma e fundit e mërgimtarit Bashkim Shala, nga fshati Guncat i komunës së Malishevës, i cili, shkollën e vendlindjes së tij “Dëshmorët e Kombit”, e ka bërë me kabinet të informatikës, duke dhuruar dhjetë kompjuter.

Këtë donacion, të mërgimtarit Shala, e ka konfirmuar Drejtoria Komunale e Arsimit dhe me këtë rast drejtori i arsimit, Avdi Morina, e ka falënderuara Shalën, për këtë kontribut të tij, shumë domethënës për nxënësit e SHFMU “Dëshmorët e Kombit” në Guncat. “Në emër të Drejtorisë për Arsim dhe Edukim, e falënderojmë bashkatdhetarin Bashkim Shala, për këtë ndihmë, pasi nga tani e tutje, nxënësit e kësaj shkolle, do të kenë kushte më të mira për përvetësimin e lëndës së informatikës”, tha drejtoria Morina.

Ndërsa, edhe drejtori i SHFMU “Dëshmorët e Kombit”, Esat Zabelaj, e ka falënderuar mërgimtarin Bashkim Shala, si dhe ka falënderuar edhe Komunën e Malishevës, për sigurimin e inventarit për kompjuter. “Mërgimtarin dhe bashkëfshatarin Bashkim Shala, e falënderojmë përzemërsisht për kontributin e dhënë për shkollën tonë. Gjithashtu falënderojmë edhe Komunën e Malishevës, përkatësisht Drejtorinë Komunale për Arsim dhe Edukim, për sigurimin e inventarit (tavolinave) për kompjuter”, thuhet në falënderimin e drejtorit të shkollës.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara