Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
10 vite pas ngjarjeve tragjike të 21 janarit, kreu i grupit parlamentar të PS, Taulant Balla u bëri thirrje qytetarëve gjatë një takimi në Belsh që të mos harrojnë kush qëllon mbi popullin dhe nuk paraqitet kurrë para drejtësisë, madje gradohet. “Mos harroni të kujtoni që Partia Demokratike me Sali Berishën dhe këtë kollovarin aktual, kanë vrarë për të mbajtur pushtetin. Ne nuk duhet të harrojmë kurrë që nesër 10 vite më parë, Sali Berisha urdhëroi të qëllohej mbi popullin e vet dhe Lulzim Basha, si Ministër i Brendshëm i asaj kohe nuk mori asnjë përgjegjësi, madje u gradua nga Sali Berisha në krye të Bashkisë së Tiranës duke vjedhur vota”, tha Balla. Duke kujtuar edhe rastin tragjik të vrasjes së Klodian Rashës, Balla tha se qëndrimi i PS-së vendos standardin e dorëheqjes së Ministrit të Brendshëm edhe pse pa përgjegjësi direkte, ndërkohë inkurajon drejtësinë të bëjë drejtësi.
“Gjithë të rinjve e të rejave që këto u duken histori unë dua t’u them se Partia Socialiste e Shqipërisë, në rastin e vrasjes tragjike të Klodian Rashës, mbajti një qëndrim të fortë duke i kërkuar drejtësisë të bëjë drejtësi, dhe kjo e fundit po bën drejtësi. Por, edhe pse pa përgjegjësi direkte, ministri i Brendshëm dha dorëheqjen. Sepse ky është standardi i vendosur nga PS”, theksoi Balla.
“Kur Saliu urdhëronte dhe Basha ekzekutonte në 21 Janar 2011, Basha, jo vetëm që nuk mori asnjë përgjegjësi, jo vetëm që nuk shkoi kurrë para drejtësisë, por edhe u gradua”, u shpreh Balla.
“Pas 10 vitesh drejtësia nuk është vënë. Drejtësia nuk mund të mjaftohet me 2-3 gardistë që shkrepën këmbëzën ndërsa nuk u thirr ai që del në TV dhe deklaron se ka dhënë urdhërin për të qëlluar mbi popullin e tij”, tha Balla.
Ndërkohë Balla në takimin me qytetarët e Belshit nuk la pa përmenduar dhe Lëvizjen Socialiste për Integrim.
“Në Belsh, LSI ka shkuar tashmë për skrap. Të paktën për këtë kemi punuar me Lulzim Bashën që nga 2017, për ta çuar LSI-në për skrap. Luli kur erdhi në qendër të Belshit i bëri thirrje popullit të Belshit “ta çojmë SHPK-në e Ilir Metës për skrap”. LSI-ja, siç thotë Lulzim Basha është si ajo që ngjitet pas këpucës dhe këtë e ka artikuluar më së miri Lulzim Basha me thirrjen për t’u ndarë nga fenomeni LSI”, tha Balla. (ATSH)
