Grumbullimi i ushtrisë ruse, pranë Ukrainës, ka rritur frikën në Kiev dhe në vendet perëndimore se Moska mund të ketë plane për pushtimin e Ukrainës. Tensionet mbi Ukrainën shënojnë një përkeqësim të ri të raporteve ndërmjet Rusisë dhe Aleancës ushtarake Veri-Atlantike, që më herët ishin pak më të mira. Për dekada me radhë gjatë Luftës së Ftohtë, Bashkimi Sovjetik dhe aleatët e Traktatit të Varshavës në Evropën Qendrore dhe Lindore, kishin raporte të tensionuara me NATO-n. Në vitin 1999, fushata ajrore e NATO-s kundër Serbisë së sotme, një aleate historike e Rusisë, që i dha fund luftës në Kosovë, shënoi përçarjen e parë të madhe midis Rusisë dhe NATO-s qysh prej rënies së Bashkimit Sovjetik.
Kontrolloni gjithashtu
26 vjet nga “Epopeja e Çabratit”: Përkujtohen dëshmorët dhe martirët e luftës së Kosovës
Sot, më 7 maj 2025, në Gjakovë përkujtohet 26-vjetori i “Epopesë së Çabratit”, një nga …