Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Trupi gjykues i Gjykatës Speciale, në Hagë, ka marrë vendim që dhënia e deklaratave përmbyllëse në gjykimin kundër, Hysni Gucatit e Nasim Haradinajt të bëhet nga 14 deri më 18 mars të këtij viti. Në njoftim thuhet se sot, Trupi Gjykues II i dha fund paraqitjes së provave në çështjen Gucati dhe Haradinaj, ndërkohë që i urdhëroi palët të dorëzojnë dosjet e tyre gjyqësore përfundimtare deri më 3 mars, duke caktuar periudhën nga 14 deri më 18 mars 2022 për dhënien e deklaratave përmbyllëse”, është thënë në njoftimin e gjykatës. Më 2 shkurt, ekipet e mbrojtjes së ish-krerëve të Organizatës së Veteranëve të Luftës së UÇK-së, kanë njoftuar për mbylljen zyrtare të paraqitjes së provave prej tyre. Hysni Gucati e Nasim Haradinaj u arrestuan më 25 shtator 2020 prej kur edhe po qëndrojnë në paraburgim në Hagë.
