Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në vendin ku u ndeshën drita me errësirën, robëria me Lirinë, madhështia me shëmtinë! Sot e 24 vite më parë forca të shumta ushtarake policore e paramilitare serbe iu drejtuan Prekazit heroik. Cak i kësaj makinerie vrastare ishte një familje e vetme, por që të krijonte përshtypje se do luftohej me një ushtri të tërë. Ishte familja Jashari ajo që me vigjilencë,po përcillte këto lëvizje dhe rrethimin e hekurt të kullave të tyre.
Tre viganë përballë një force ushtarake dhe makinerie e artilerie të rëndë: Hamza, Ademi dhe Baca Shaban. Pas tyre qëndronin gratë, djemtë dhe vajzat e kësaj familje; mikpritës dhe bujar, por kur e kërkonte atdheu, të guximshëm e të fortë dhe secili nga ta ishte një ushtar. Tri ditë këngë dhe luftë, luftonte një familje me një ushtri të tërë. Ditët e 5, 6 dhe 7 Marsit 1998 po ndryshonin përgjithnjë rrjedhën e historisë së këtij populli.
Familja Jashari po vuloste me gjakun e saj këtë ndryshim epokash dhe këtë ndrrim shekujsh! Me 5,6 dhe 7 Mars nuk kishte vaje, nuk kishte lot , “ ves as lot s’duronte lëndina, të rënët dhe të gjallêt u bënë tok”! Retë e zeza të cilat kishin mbuluar me shekuj këtë tokë arbërore, filluan t’u lëshonin rrugë rrezeve të diellit, ndërsa balozët e zinj, filluan të binin një nga një! Veprimatria, trimëria, guximi dhe heroizmi I familjes Jashari është një rast i veçantë dhe unikat në botë, i cili kapërcen kufijtë kombëtar të popullit tonë! Kjo familje ka qenë, është dhe do të mbetet legjendë e shqiptarisë.
Legjenda pë ta, vazhdon edhe sot e kësaj dite të mbrojë këtë popull nga apetitet shoveniste të barbarisë serbe, të cilët ënderrojnë çdo ditë t’i vërsulen Kosovës. Por, sa herë kthejnë kokën pas, vazhdon t’u shfaqet përpara: Legjendari sypatrembur dhe familja e tij! Kjo është legjenda më e re në historinë e këtij populli dhe ky është Legjendari, që vazhdon të jetë udhërrëfyes, në rrugën tonë për çlirimin dhe bashkimin kombëtar. Sot nga ai vend dhe ato kulla, vazhdojnë t’a marrin bekimin i madh e i vogël, plak e i ri, sepse, nga aty fillon gjithçka, nga aty nis jeta, e tashmja dhe e ardhmëja e këtij populli! Lavdi e përjetshme Kryetrimit Legjendar dhe Familjes së tij! 5 Mars 2022
