Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Rusisë Vladimir Putin ka bërë thirrje që në Rusi të bëhet një “spastrim natyral” i “fundërrinave dhe tradhtarëve”, që kritikojnë pushtimin e Ukrainës, të urdhëruar prej tij. Nëpërmjet një adresimi televiziv, më 16 mars, presidenti rus po ashtu e ka akuzuar Perëndimin se po përpiqet për ta përçarë shoqërinë ruse, dhe të nxisë një konfrontim civil. Ditën e djeshme, kryetari amerikan, Joe Biden e ka quajtur Putinin si kriminel lufte, ndërsa Kremlini i konsideroi këto deklarata si të pajustifikueshme. “Çdo popull, dhe veçanërisht populli rus, do të jetë gjithmonë në gjendje t’i dallojë patriotët nga fundërrinat dhe tradhtarët. Jam i bindur se ky vetëpastrim i natyrshëm dhe i domosdoshëm i shoqërisë vetëm sa do të forcojë vendin tonë, solidaritetin, kohezionin dhe gatishmërinë tonë për të përballuar çdo sfidë”, u shpreh Vladimir Putin.
