Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një bazë e vjetër ajrore e Shqipërisë po rinovohet, për t’u bërë qendër e re taktike e operacioneve të NATO-s. Shqipëria u zgjodh si vend për ndërtimin e një baze taktike ajrore në rajon dhe në janar të vitit 2022 filloi puna në terren për realizimin e projektit për modernizimin e Bazës Ajrore në Kuçovë, për ta shndërruar atë në një bazë taktike të NATO-s. Në atë që pritet të bëhet baza e parë ajrore e NATO-s në Ballkanin Perëndimor, është paraparë të vendoset një mori aeroplanësh modernë luftarakë. Bazat ushtarake në Shqipëri të trashëguara nga regjimi komunist janë disa, ndërkohë vitet e fundit në qendër të vëmendjes është rikthyer Baza Ajrore e Kuçovës. Aleanca e NATO-s ka ndarë rreth 50 milionë euro për rindërtimin dhe ndërtimin e aseteve të nevojshme për realizimin e fluturimeve në përmbushje të standardeve të NATO-s Baza pritet të futet në funksion para vitit 2023. Ajo ndodhet në territorin e Bashkisë Kuçovë, Qarku i Beratit, 85 kilometra në jug të Tiranës.
