Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një ligj i miratuar qysh në qershorin e vitit 2012 është baza mbi të cilin vazhdojnë të punojnë deputetët e Kuvendit të Kosovës, kur bëhet fjalë për formimin e komisioneve për Hetim Parlamentar. Neni 10 i këtij ligji specifikon se kryesues i Komisionit Hetimor nuk mund të jetë nga radhët e iniciuesve e prandaj një grup i pavarur deputetësh kishte iniciuar ndryshimin e tij në vitin 2018, që kaloi në parim e që nuk arriti të bëhej ligj asnjëherë për shkak të zgjedhjeve të parakohshme. Tani kur opozita është bërë bashkë me 40 nënshkrime ka iniciuar formimin e komisionit hetimor parlamentar për energjinë dhe për kryesues kanë një emër që nuk ka vendosur firmën e tij në këtë nismë, pushteti thotë se kjo është në kundërshtim me Nenin 10 të ligjit. Vetëvendosja kërkon që në këmbim të mbështetjes për formimin e këtij komisioni, njëri Grup Parlamentar të tërheqë nënshkrimet, çka po kundërshtohet nga opozita. Gjendja ka mbetur e bllokuar kur asnjëra palë nuk heq dorë nga e drejta, derisa është shfaqur edhe ideja e ndryshimit të Ligjit.
