Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i SHBA-së, Joe Biden dhe udhëheqësit e G7-ës, sot kanë realizuar një takim virtual me presidentin ukrainas, Volodymyr Zelensky ku diskutuan veprimet e mëtejshme që SHBA-ja dhe aleatët e saj po ndërmarrin për të ndëshkuar Rusinë për pushtimin e saj të paprovokuar të Ukrainës, të cilat përfshijnë sanksione kundër tre kanaleve më të mëdha televizive ruse dhe një angazhim nga çdo anëtar i G7-ës për të hequr gradualisht importet e naftës ruse, ka bërë të ditur një zyrtar i lartë i administratës së SHBA-së. “Ky është tashmë një dështim për Putinin dhe ne do të vazhdojmë të nderojmë luftimet e guximshme që po zhvillohen nga populli ukrainas dhe të dëgjojmë presidentin Zelensky dhe të angazhohemi për të qëndruar në një vijë”, u tha zyrtari i lartë gazetarëve përpara takimit, shkruan CNN të dielën. Sipas tij “Putini po i çnderon ato sakrifica duke përhapur gënjeshtrat e tij, dezinformimin e tij për barbarizmin që po kryen në Ukrainë. Është me të vërtetë një shans për të thënë të vërtetën dhe për të demonstruar unitetin tonë të vazhdueshëm”.
