Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rezoluta e propozuar nga socialistët për Raportin e inskenuar të Dik Martit, supozohej se të unifikonte qëndrimet e politikës shqiptare, p0r ndodhi e kundërta. Ajo rodhoi debate të forta në parlament dhe riciklim akuzash që përsëriten sa herë diskutohet raporti skandaloz i senatorit zvicerian Dick Marty. Inicuesi kësaj rezolute, Taulant Balla shpjegoi synimin final përmes kësaj lëvizje të parlamentit të Shqipërisë. I bën thirrje Asamblesë Parlamentare të Këshillit të Europës të realizojë një raport vijues dhe si rrjedhojë dhe një rishikim të Rezolutës 1782 (2011), duke rivlerësuar pretendimet për trafikim të paligjshëm të organeve njerëzore në Shqipëri dhe/apo në Kosovë, në dritën e zhvillimeve që kanë ndodhur gjatë kësaj dekade, fakteve, provave dhe informacioneve të përditësuara, sikurse dhe përsa i përket angazhimit, gatishmërisë dhe bashkëpunimit të plotë të Shqipërisë dhe Kosovës në shërbim të së vërtetës dhe vendosjes së drejtësisë”, tha Balla.
Pas disa muaj mungesë u shfaq në kuvend duke folur për rezolutën ish kryetari PD Lulzim Balla i cili bashkë më Sali Berishën u vu nën breshërinë e akuzave të forta nga Edi Rama.
Në rezolutë theksohet se “Dick Marty, pas vizitave që kreu si në Kosovë ashtu edhe në Shqipëri, kurrë deri më sot, nuk ka paraqitur asnjë provë për të vërtetuar krimet e supozuara të kryera në lidhje me trafikimin e organeve njerëzore, siç pretendon në Raportin e tij.
