Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtetet e Bashkuara të Amerikës nuk kanë informacione se Rusia po përgatitet me qëllim për të përdorur armë bërthamore, pavarësisht retorikës kërcënuese lidhur me përdorimin e tyre nga kryetari i Risisë, Vladimir Putin. Ne i marrim seriozisht armët bërthamore apo retorikën kërcënuese për përdorimin e tyre, por dua të them se nuk kemi parë asnjë arsye për të përshtatur pozicionin tonë strategjik bërthamor, dhe nuk kemi ndonjë tregues se Rusia po përgatitet të përdorë menjëherë armë bërthamore”, tha zëdhënësja e Shtëpisë së Bardhë, Karine Zhan Pjer për gazetarët. Më 30 shtator, Putin la të kuptohet se do të përdorë armë bërthamore për të mbrojtur territoret ukrainase që pretendoi se i ka aneksuar. Ukraina dhe shumë shtete perëndimore kanë thënë se nuk do të njohin vendimin e Putinit për aneksimin e Hersonit, Donjeckut, Luhanskut dhe Zaporozhjas. Ky vendim i Putinit u kumtua pasi në këto katër rajone ukrainase, që janë pjesërisht të pushtuara nga forcat ruse, Rusia mbajti referendume të rreme.
