Anëtari i Komisionit Hetimor Parlamentar për rastin Martin Berishaj, Ferat Shala ka deklaruar se presioni i Partisë Demokratike të Kosovës e ka sjellë ambasadorin Martin Berishaj në komision hetimor parlamentar. Deputeti Shala ka shpjeguar detaje nga intervistimi i Berishajt, që ishte zhvilluar në komisionin hetimor. Ferat Shala ka deklaruar se ambasadori Martin Berisha nuk e ka thënë të vërtetën rreth transaksioneve me kompaninë nga Beogradi GEN-I dhe me këtë akt ka kryer vepër penale. Nuk e ka thënë të vërtetën sa i përket bashkëpunimit të tij me kompaninë GEN-I, pasi ai realizoi transaksione bankare në kohën kur ishte nën hetim nga komisioni parlamentar. Arroganca dhe përbuzja e komisionit hetimor është përgjegjësi e tyre. Ne kmi bërë punën tonë, kemi bërë raportin i cili nuk është votuar nga Vetëvendosja por në fund pasojat do t’i bartin vetë ata, ngase tashmë dihet pothuajse i gjithë zinxhiri i përfshirjes në këtë skandal”, ka saktësuar anëtari i komisionit hetimor parlamentar Ferat Shala.
Kontrolloni gjithashtu
Gjykata e Posaçme e Apelit sërish ka refuzuar kërkesën e Sali Berishës për lirim nga masa “Arrest në shtëpi”
Gjykata e Posaçme e Apelit e ka rrëzuar kërkesën e ish-kryetarit të PD-së, Sali Berisha …