Një veturë e Policisë së Kosovës është sulmuar me armë zjarri në Banjskë-Izvor të komunës së Zveçanit

Policia e Kosovës ka njoftuar se është sulmuar me armë zjarri një veturë zyrtare e saj në lokacionin Banjskë-Izvor të komunës së Zveçanit. Nuk raportohet për zyrtar të lënduar, por vetëm për pak  dëme materiale. Lidhur me rastin janë ndërmarr veprimet e nevojshme operative hetimore, përfshirë edhe ekzaminimin e vendit të ngjarjes, nga ku është konstatuar se vetura është goditur me një predhë të armës së zjarrit”, thuhet në komunikatë. Bëhet e ditur se pas hetimeve është arritur të identifikohet një veturë të dyshuar të braktisur (xhip-opel), në një rrugë malore në distance prej rreth 250 metra largësi, e cila dyshohet se mund të jetë e përfshirë në rast. Po ashtu në afërsi të automjetit të dyshuar janë vërejtur edhe gjurmët e personave të dyshuar të cilët kanë ikur në drejtim të panjohur. Automjeti i dyshuar i cili ka poseduar targa të dyshuara, të cilat dyshohet se nuk i përkasin të njëjtit automjet, është konfiskuar nga Policia e Kosovës për të vazhduar me procedurat e mëtejme hetimore dhe të ekzaminimit.

Kontrolloni gjithashtu

Pagat aktuale në Kosovë nuk mundësojnë jetë të dinjitetshme

Njohësit e fushës së ekonomisë dhe përfaqësues të punëtorëve kanë thënë se pagat aktuale në …