Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Admirali dhe kryetari i Komitetit Ushtarak të NATO-s, Rob Bauer ka deklaruar se Aleanca Ushtarake Veri-Atlantike është e gatshme për luftë të drejtpërdrejt me Rusinë. Gjatë një interviste për televizionin publik portugez RTP, ai ka përkujtuar se gjatë samitit të NATO-s në Madrid të mbajtur vitin e kaluar, Aleanca vendosi të krijojë katër grupe luftarake shumëkombëshe shtesë në Bullgari, Hungari, Rumani dhe Sllovaki, në përgjigje të veprimeve të Rusisë në Ukrainë. “Është një sinjal i rëndësishëm për Rusinë, se ne jemi gati nëse ata vendosin të shkojnë pas NATO-s. Kjo është një vijë e kuqe. Nëse ka një vijë të kuqe, atëherë janë rusët ata që po kalojnë kufijtë tanë” ka theksuar mes tjerash gjatë intervistës, admirali dhe kryetari i Komitetit Ushtarak të NATO-s, Rob Bauer.
