Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetar i Këshillit Kombëtar të Nismës për Kosovën, Jakup Krasniqi, ka bërë thirrje të ndërpritet procesi i dialogut në Bruksel, në mes të Kosovës dhe Serbisë. Në një intervistë dhënë gazetës “Epoka e re”, ai ka vlerësuar se ky dialog është përmendorja e turpit dhe ata që e kanë udhëhequr këtë proces duhet të tërhiqen, pasi i kanë ofruar favore Serbisë, duke e bërë hisedare të sovranitetit. Koalicioni qeverisës duhet të heqë dorë nga marrëveshjet e arritura në Bruksel dhe nga marrëveshja për demarkacion pa i dërguar në Kuvend. Krasniqi ka folur edhe për zhvillimet në parti. Ai thënë se Nisma për Kosovën do të jetë edhe më e fuqishme dhe se tani për tani është e fokusuar për ndryshimin e qeverisjes. Krasniqi ka hedhur poshtë mundësinë e një koalicioni me Partinë Demokratike të Kosovës duke sshtuar se Nisma është për koalicion vetëm me partitë opozitare.
